Merkezê Îrtîbatî û Çapemenîye yê HPGyî derheqê çalakîyanê gerîlayan û operasyon û hêrişanê artêşa tirke de eşkerayîyêke daye û nê pare kerdî:

''Çarçewa Hemleya Wext Wextê Azadîye yo de hêzanê ma 1ê teşrîna verêne de Xakurkê de da îşxalkeran ro. Leşkerê tirkî ke Qilê Koordîne yê herêma Şehîde Bêrîtane de ameyî cakerdene hîrê peran ra ameyî pirodayene. Netîceya çalakîye de tewr tay 8 îşxlakerî ameyî cezakerdene, kamerayêka mobese, di mewzîyî, kamelyayêke û çekêka A-4î ameyî îmhakerdene. Reyna sîstemê redarî  pîya bi çimeyê hêzê ci hetê hêzanê ma ra ame îmhakerdene.

Na çalakîya bitsîre semedê yadkerdişê fermandar Egîd Garzanî ameye kerdene.

Çarçewa Hemleya Şorişgêre ya Cengê Heftanînî de hêzanê ma 24ê êlule de Qilê Dupişkî de vera îşxalkeran çalakîya bitesîre kerde. Na çalakîye de 3 îşxalkerî ameyî cezakerdene. Badê çalakîye herême bi obus û havanan ameye bombardumankerdene.

Artêşa tirk a îşxalkere 27ê êlule de Qilê Koordîne yê Heftanînî de bi helîkopteran leşkerê xo ca kerdî û roja bîne dest pê operasyonî kerd. Derheqê operasyonî de zanayîşo hîra ma do peyra pare bikerê.

Artêş tirke 23ê êlule de zî herêma Avaşînî de Şehîd Bêkes û Qeleya Şukê yê warê Şukê de leşkerê xo ardî war û dest pê operasyonê îşxalî kerd. Operasyon dewam keno.

Teyarayanê şerî yê dewleta tirke hêrişê Herêmanê Pawitişî yê Medya kerd. 1ê teşrîna verêne de Dormeyê dewa Çemankê yê Duhokî, warê dewa Fila yê herêma Zapî, Warê Mevanos û Şehîde Dîrene yê Avaşînî, reyna 1ê teşrîna verêne û 30ê êlule de warê Werxelê yê Avaşînî û 29ê êlule û 1ê teşrîna verêne de warê Şukê yê Avaşînî ameyî bombardumankerdene.''