Çalakîyanê gerîlayan de 20 leşkerî ameyî kiştene
HPG’yî da zanayene ke qezaya Qilabanî ya Şirnexî de 20 leşkerî ameyî kiştene.
HPG’yî da zanayene ke qezaya Qilabanî ya Şirnexî de 20 leşkerî ameyî kiştene.
Merkezê Çapemenî û Îrtîbatî yê HPG’yî bi eşkerayîşêk derheqê çalakîyanê gerîlayan de zanayîş da.
Eşkerayîya HPG’yî wina ya: ‘’ 1’ê Tebaxe de hêzanê ma qezaya Qilabanî ya Şirnexî de vera îşxalkaranê Tirkî çalakîyêk virşate. Çalakîya ke hêzê ma heta mewzîyanê dişmenî şîyî û leşkerî mesafeyê nêzdîyî ra ameyî pirodayene de 14 leşkerî ameyî kiştene û xeylî zî birîndar bîyî. Dimayê çalakîye herême ameye bombardûmankerdene. Roja bînê derûdorê Qilê Şehîd Welatî de operasyon ame destpêkerdene. Pêkewtişan de 6 leşkerçê Tirkî ameyî kiştene 4 zî birîndar bîyî. Nê operasyonî de 4 embezê ma yê ke heta guleyê xo yê peyênî şer kerd, seba ke esîr destê dişmenî mekewê bombayê xo xo ser teqnayî û tewrê kerwanê şehîdan bîyî. Nasnameyê embezanê ma do rayapêroyî dir bêrê parekerdene.
Çalakîya sabotajî
29’ê Temmuze de qezaya Çelê ya Colemêrgî de hêzanê ma vera wesayîtêko Qilê Stûna rê melzemeyê eskerîyî kiriştêne çalakîyêk viraşte. Çalakîya sabotajî de yew eskero payeberz û kontrayêk birîndar bîyî.
Hêrişê Hewayîyî
2’ê Tebaxe de teyareyanê şerî yê artêşa Tirkî mintiqaya Xantûrî ya herêma Hetanînî yê pabesteyê Wareyê Pawitişî yê Medya bombardûman kerd. Nê bombardûmanî de vînîbîyayeyê ma çîn ê.’’