Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye û nê vatî:

''Têkoşînê Gerîlayanê Azadîye yê Kurdîstanî bêmabên dewam keno. Hêzanê ma pê çalakîyanê cîya cîyayan 8 û 9ê gulane de zî derbeyê pîlî dayî dişmenî ro. Dewleta tirke ya îşxalkera ke rixmê heme îmkananê xo yê teknîkîyan nêeşkena xoverdayîşê gerîlayan bişikino reyna çeka kîmyewîye şuxulnaye. Rixmê heme metodanê leyminan ê dewleta tirke çalakîyanê gerîlayan ê ke bêmabên dewam kenê  de 8 îşxalkerî ameyî kiştene û 9 îşxalkerî  birîndar bîyî û xeylêk wesayîtê leşkerî ameyî îmhakerdene. Detayê çalakîyan wina yê;

Avaşîn

9ê gulane de Warê Xoverdayîşî yê Werxelê de îşxalkeranê ke waşt hêrişê mewzîyanê şerî bikerî zereyê roje de hîrê rey hetê hêzanê ma ra pê çekanê giranan ameyî pirodayene. Çalakîya suîqestî de 2 îşxlakerî ameyî cezakerdene û 5 îşxalkerî birîndar bîyî. Cemê şanî îşxalkeranê ke waşt xo dromeyê mewzîyanê şerî de ca bikerê reyna ameyî pirodayene. Îşxalkerî mecbûr mendî ke gamêke peyser biancîyê. Eynî roje sîstemêke kamaraya mobese, kamerayêke û sensorêkê têgêrayîşî hetê hêzanê ma yê YJA Starî ra ameyî îmhakerdene. Artêş tirke ya ke hêrişan ra tiway dest nêfîna vera mewzîyanê şerî yê Werxelê çeka kîmyewîye şuxulnaye.

Zap

8ê gulane de îşxalkerî dormeyê mewzîyanê şerî yê Girê Şehîdî yê Warê Xoverdayîşî yê Kurojaroyî de ameyî pirodayene, îşxalkerêk ame cezkakerdene. 9ê gulane de îşxalkeranê ke bi çekanê kîmyewîyan mewzîyê şerî yê Şehîd Berxwedanî yê Warê Xoverdayîşî yê Şehîd Şahînî dayî bombayayan ver dima ra waşt aver şirê. Hêzanê ma pê çekanê ferdîyan da piro. Pêkewtişê giranî qewimîyayî û îşxalkerî mecbûr mendî ke agêrê. Hêzanê ma  sîstemêkê kameraya mobese îmha kerd. Warê Xoverdayîşî yê Werxelê de zî îşxalkerî hetê hêzanê ma ra pê çekanê giranan ameyî pirodayene la hûmara merde û birîndaran ê îşxalkeran zelal nêbîye. Çalakîya suîqestî ya Girê Şehîd Cûdîyî yê Warê Xoverdayîşî ya Karkerî de zî îşxlakerêk ame cezakerdene. Reyna çalakîya bine ya eynî warî de îşxalkerêk ame cezakerdene û mewzîyêke ameye derbkerdene. Eynî roje Hêzanê ma yê Pawitişê Hewayî yê Şehîd Delal Kurojahro de da îşxalkeran ro, 3 îşxalkerî ameyî cezakerdene û 4 îşxlakerî birîndar bîyî.

Xizmetê  dişmenî mekerê

Dewleta tirke  kena ke heme Kurdîstanî îşxal bikero. Nika hedefê ci herêma Besta ya Botanî ya. Warê Mêrgûmarî de bi waştişê leşkerî rayîr virzena ke îşxalê xo tîya hîra bikero. Delewta tirke tîya kotnrayan şuxulnena û înan rê daranê Mêrgûmarî dana birnayene. Ganî qet çew semedê îşxalkerdişê Kurdîstanî xizmetê dişmenî mekero. Qirkerdişê cografyaya Kurdîstanî caverdê. Kontrayê ke nê sûcî rê dewam bikerî do hedefê ma bê.

Bombarduman

9ê gulane de warê Gundê Fila, Girê Amediye, Girê FM û Girê Cûdîyî yê Zapî û  Girê Hakarî yê herêma Metîna pê teyarayanê şerî û obusan ameyî bombardumankerdene. 10ê gulane de Warê Xoverdayîşî yê Werxelê yê herêma Avaşînî pê teyarayanê şerdî dîya bombayan ver. 7-8-9 û 10ê gulane de warê Saca, Karker, Awa Zapê, Girê Şehîd Fedakarî, Şikefta Birîndara, Warê Xoverdayîşî yê Kurojahro û Çemçoyî yê herêma Zapî pê teyarayanê şerî û obusan ameyî bombardumankerdene.''