Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî de eşkerayîye daye û nê pare kerdî:

Avaşîn

''8ê gulane de Warê Xoverdayîşî yê Werxelê de hêzanê ma dormeyê mewzîyanê şerî de bi çekanê giranan da îşxalkeran ro. Saetanê cemê şanî de îşxalkerî reyna pê çalakîya sabotajî ameyî pirodayene. Netîceya çalakîyan de 3 îşxalkerî ameyî cezkerdene û îşxalkerêk birîndar bi.

Zap

8ê gulane de Warê Xoverdayîşî yê Kurojaroyî de îşxalkerî pê çekanê giranan ameyî pirodayene. Eynî roje hêzanê ma yê YJA Starî Girê Şehîd Şemdînî yo ke pabesteyê Kurojahroyî yo, tîya de de îşxalkeran ro, mewzîye ameye îmhakerdene û 6 îşxalkerî ameyî cezakerdene. Reyna Girê Şehîd Harûnî yo eynî warî de zî îşxalkerî di hetan ra ameyî pirodayene, 4 îşxalkerî ameyî cezakerdene û droneyêk ame derbkerdene. Warê Xoverdayîşî yê Şehîd Şahînî de zî helîkopteranê ke waştêne mewzîyanê şerî bidê bombayan ver hetê hêzanê ma ra ameyî hedefgirewtene. Badê pirodayîşanê bitesîran helîkopterî mecbûr mendî ke peyser agêrê.

Xakurkê

6ê gulane de Girê Şehîd Derwêşî de îşxalkerî hetê hêzanê ma yê YJA Starî ra pê çekanê giranan ameyî pirodayene. Hedefê ke ameyî bewlîkerdene bi hewayêkê serkewteyî ameyî pirodayene.

Bombarduman

8ê gulane de koyê Şekîfî yê herêma Xakurkê de gama ke şar vaş arêdayêne dewleta tirke pê obus û havanan da piro. Hemwelatîyêk birîndar bi. Bombarduman dewam keno. Eynî roje warê Çemço, Girê Amedîye, Girê Cûdî, Karker, Saca û Kurojaroyî yê herêma Zapî  û Girê Hakarî yê herêma Metîna pê teyaranê şerî dîya bombayan ver. Saetanê şewe de zî warê Çiyareş, Girê Cûdî, Girê Rûbar, Girê Şehîd Dunya, Girê Şehîd Şemdîn, Girê Şehîd Harûn,  Girê Şehîd Xelîlî yê Zapî pê helîkopteranê hêrişî dîyayî bombayan ver. 7-8ê gulane de Warê Xoverdayîşî yê Werxelê yê herêma Avaşînî pê teyarayanê hêrişî diya bombayan ver.''