Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkerayîye wina ya:,

''Nêzanê ma yê tîmanê hereketînan bi taktîkanê cîyayan vera îşxalkeran çalakîyî kerdî. Netîceya nê çalakîyan de 11 îşxalkerî ameyî cezakerdene, 2 îşxalkerî birîndar bîyî, 1 mewzî ame îmhakerdene, 1 mewzî û 2 helîkopterê Skorskyî ameyî derbkerdene.

Detayê çalakîyan wina yê;

Avaşîn

28-29ê nîsane de herêma Şûkê de helîkopterê artêşa îşxalkere hetê hêzanê ma ra ameyî pirodayene.Netîceya derbanê serkewteyan ê hêzanê ma de 2 helîkopterê Skorskyî ameyî derbkerdene. Reyna 27-30ê nîsane de hêzanê ma mudaxeleyê helîkopteranê ke waştêne herême bidê bonbayan ver, kerd û nê helîkopterî neçare mendî ke herême ra dûrî bikewê.7ê gulane de Warê Xoverdayîşî yê Werxelê de di mewzîyê îşxalkeran hetê hêzanê ma ra mesafeyêkê nêzdîyî ra ameyî pirodayene. Na çalakîye de 3 îşxalkerî ameyî cezakerdene û 1 mewzî ameye îmhakerdene, 1 mewzî zî ameye derbkerdene.

Zap

Îşxalkerî warê Kevirê Kunî yê Warê Xoverdayîşî yê Şikefta Birîndaran de hetê hêzanê YJA-Starî ra ameyî pirodayene. Netîceya na çalakîye de 1 îşxalker ame cezakerdene.

7ê gulane de heman warî de îşxalkerî di baskan ra gêrîyayî binê kontrolî û ameyî hedefkerdene. Baska yewîne pê taktîkê mîyandekewtişî da îşxalkeran ro û 3 îşxalkerî ceza kerdî. Baska diyîne zî îşxalkerî kerdî hedef û 1 îşxalker birîndar kerd. Heman roje nê îşxalkerî reyna ameyî pirodayene û 1 îşxalker ame cezakerdene.

Netîceya nê çalakîyan de bi temamî 4 îşxalkerî ameyî cezakerdene û 1 îşxalker birîndar bi.

7ê gulane de mewzîya Girê Ortê yê Warê Xoverdayîşî yê Karkerî de îşxalkerî bi çalakîyêka bikoordîne ameyî pirodayene. Na çalakîye de 1 îşxalker ame cezakerdene û 1 îşxalker birîndar bi. Heman roje Warê Xoverdayîşî yê Şehîd Şahînî de îşxalkerî pê çekanê giranan ameyî pirodayene. Netîceya na çalakîye de hedefî ameyî pirodayene.

Xakûrkê 

7ê gulane de Girê Şehîd Axînî de îşxalkerî pê çekanê giranan ameyî hedefkerdene û netîceya na çalakîye de 2 îşxalkerî ameyî cezakerdene.

Dewleta tirke ya îşxalkere 12 reyî bi obus û teyarayanê şerî hêrişê Herêmanê Pawitişî yê Medya kerd. Detayê nê hêrişan wina yê:

6-7ê gulane de dormeyê dewanê Êdinê, Dêşîşê û Hirorê yê Girê Ortê, 7ê gulane de warê Girê Cûdî yê Zapî, dormeyê Awa Lolanî yê Xakûrkê, warê Çemçoyî yê Zapî, 8ê gulane de warê Karker û Saca û warê Girê Zengilî hyê Garê dîyayî bombayan ver.