Merrkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Hêzanê ma serkêşîya YJA Starî de semedê qesasgirewtişê gerîlayanê ke hêrişanê kîmyewîyan de şehîd bîyî û selamkerdişê serrgêra şahadetê fermadara ma ya bêmerge Bêrîtane (Gulnaz Karataş) ya ke sembola artêşbîyayîşê ma yê cinîyan a vera îşxalkeran çalakîyî kerdî. Çalakîyê ke 22ê teşrîna verêne de ameyî kerdene detayê ci wina yê;

''Warê Xoverdayîşî yê Şehîd Fedakarî de çalakîya suîkastî ameye kerdene, îşxalkerêk ame cezakerdene.Warê Xoverdayîşî yê Çemçoyî de zî hêzanêma yê YJA Starî da îşxalkeran ro. Çalakîye de 2 îşxalkerî ameyî cezakerdene û xeymêka leşkerî ameye îmhakerdene. Çalakîya Warê Xoverdayîşî yê Şehîd Adili de zî 2 îşxalkerî ameyî cezakerdene. Reyna Çemço de nîşandaro tujo ke bitaybetî ame hedefgirewtene ame cezakerdene.

Warê Xoverdayîşî yê Girê Amedîyê de îşxalkerê ke rayîro ke semedê îşxalî yeno viraştene pawitene hetê hêzanê ma ra ameyî pirodayene. Çalakîya ke di hetan ra ameye kerdene de 7 îşxalkerî ameyî cezakerdene û 3 îşxalkerî birîndar bîyî. Çalakîya bine ya Girê Amedîyê de zî xeymêka leşkerî ameyî îmhakerdene.

Warê Xoverdayîşî yê Girê Cûdîyî de çalakîya bikoordîne ameye kerdene. Çalakîya ke hîrê hetan ra ameye kerdene 5 xeymê îşxalkeran ameyî îmhakerdene, 9 îşxalkerî ameyî cezakerdene û 8 îşxalkerî birîndar bîyî. Îşxalkeranê ke wextê çalakîye de waşt mudaxale bikerê ê zî ameyî pirodayene, 2 îşxalkerî ameyî cezakerdene. Çalakîya bine ya Girê Cûdîyî de îşxalkerêk ame cezkerdene.

Warê Xoverdayîşî yê Girê Şehîd Şahanî yê Xakurkê de îşxalkerî pê çekanê giranan ameyî pirodayene. Çalakîye de 3 îşxalkerî ameyî cezakerdene û mewzîyêke ameye îmhakerdene.

Mewzîyê şerî yê Warê Xoverdayîşî yê Çemço, Saca, Girê FM, Girê Amedîyê pê teyarayanê şerî, obus, tanq û çekanê giranan dîyayî bombayan ver. Semedê rijnayîşê mewzîyanê şerî yê Warê Xoverdayîşî yê Karkerî zî kepçeyî ameyî şuxulnayene.''