Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Sûcdara şerî artêşa tirke ya îşxalkere kena ke pê metodanê tewr gemarinan a şerî vera gerîlayanê azadîye netîce bigêra. 14ê nîsane destpêkê hêrişanê îşxalî ra nata artêşa îşxalkere bi hezaran reyî asta mîyanneteweyîye de bombayê qedexekerdeyî û çekê kîmyewîyî şuxilnayî. 21ê teşrîna verêne de zî artêşa îşxalkere reyna 6 reyî pê çekanê kîmyewîyan û bombayanê qedexekerdeyan, 4 reyî zî pê teyarayanê şerî û pê obus, tank û çekanê giranan Warê Xoverdayîşî dayî bombayan ver.

Hêzê ma zî vera nê hêrişan xoverdayîşê xo yê tarîxîyî rê dewam kenê û pêser derban danê îşxalkeran ro. Çalakîyanê hêzanê ma de 6 îşxalkerî ameyî cezakerdene, 2 îşxalkerî birîndar bîyî, 2 mobesse û 1 xeyme ameyî îmhakerdene.

Detayî wina yê:

Çarçewa Hemleya Şorişgêre ya Bazanê Zagrosî de herêma Zapî de;

21ê teşrîna verêne de Warê Xoverdayîşî yê Çemçoyî de tîmanê ma yê hereketînan da piro û 2 îşxalkerî ceza kerdî.

Çarçewa Hemleya Şorişgêre ya Bazanê Zagrosî de herêma Xakurkê de;

21ê teşrîna verêne de warê Şêxzadeyî de 2 sîstemê mobeseyî ameyî îmhakerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

22yê teşrîna verêne de Warê Xoverdayîşî yê Girê Amedîyê de tîmanê ma yê hereketînan di baskan ra da îşxalkeran ro. Baska yewine 4 îşxalkerî ceza kerdî û baska diyîne de 1 xeyma îşxalkeran îmha kerde. Na çalakîye de 4 îşxalkerî ameyî cezakerdene, 2 îşxalkerî birîndar bîyî û 1 xeyme ameye îmhakerdene.

Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê;

21ê teşrîna verêne de Warê Xoverdayîşî yê Girê Amedîyê û mewzîyê Şehîd Felatî yê Sîda dîyayî bombayan ver.

Hêrişê bînî yê artêşa îşxalkere;

21ê teşrîna verêne de dormeyê awa Zapî, Warê Xoverdayîşî yê Girê Cûdî, Çemço û Saca dîyayî bombayan ver.

21ê teşrîna verêne de serê Warê Xoverdayîşî yê Girê Amedîyê de têgêrayîşê dronan qewimîya.

21ê teşrîna verêne de artêşa tirke ya îşxalkere kerd ke Warê Xoverdayîşî yê Karkerî de mewzîyanê şerî pê kepçeyan birijna.''