Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke  yê 20ê teşrîna verêne de eşkerayîye pare kerde û nê vatî:

''Warê Xoverdayîşî yê Çemçoyî de îşxalkerê ke dormeyê mewzîyanê şerî yê Şehîde Aryene de bî, hetê hêzanê ma ra ameyî pirodayene. Warê Çemçoyî de reyna îşxalkerî hîrê rey têdima pê çekanê giranan ameyî pirodayene. Netîceya nê çalakîyan de çar îşxalkerî ameyî cezakerdene û îşxalkerêk birîndar bi.

Warê Xoverdayîşî yê Saca de zî îşxlakerî hetê hêzanê ma ra ameyî pirodayene. Warê Xoverdayîşî yê Sîda de zî îşxalkeranê ke cedh kerdêne ke dormeyê mewzîyanê şerî yê Şehîd Felatî de kamerayan ca bikerî ameyî pirodayene. Çalakîya sabotajî de îşxalkerêk ame cezakerdene û yew sîstemê kamera ame îmhakerdene.

Warê Xoverdayîşî yê Girê Şehîde Axîne yê Xakurkê de hêzanê ma yê YJA Starî da îşxalkeran ro. Çalakîye de mewzîyêka sîstemê radarî  tede bi  pîya ameyî îmhakerdene. Çalakîya Warê Xoverdayîşî yê Girê Cûdîyî de zî 2 îşxalkerî birîndar bîyî û xeymêka leşkerî ameye îmhakerdene.

Artêşa tirke  mewzîyê şerî yê Warê Xoverdayîşî yê  Sîda, Girê Cûdî, Saca û Çemçoyî pê bombayanê qedexeyan û çekanê kîmyewîyan dayî bombayan ver.  Reyna Warê Xoverdayîşî yê Çemço, Girê FM, Saca, Girê Cûdî, Girê Amedîyê, Girê Hakarî pê teyarayanê şerî, helîkopteranê hêrişî û obusan dîyayî bombayan ver. Îşxalkeran Warê Xoverdayîşî yê Karkerî de zî kerd ke pê kepçeyan mewzîyanê şerî weşanê.''