Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''19ê teşrîna verêne de Warê Xoverdayîşî yê Saca de îşxalkerî pê çekanê giranan ameyî pirodayene. Warê Xoverdayîşî yê Sîda de zî îşxalkeranê ke waşt dormeyê mewzîyanê şerî yê Şehîd Agirî de mobeseyan ca bikerî bi taktîkê sabotajî ameyî pirodayene. Na çalakîye de 2 îşxalkerî ameyî cezakerdene, yew dron û yew mobese ameyî îmhakerdene. 17ê teşrîna verêne de Warê Xoverdayîşî yê Girê Cûdîyî de îşxalkerî pê  taktîkê suîkastî ameyî pirodayene, îşxalkerêk ame cezakerdene.19ê teşrîna verêne de Warê Xoverdayîşî yê Girê Amedîyê de yew sîstemê mobese ame îmhakerdene. Warê Xoverdayîşî yê Girê Cûdîyî de zî îşxalkerî pê çekanê giranan ameyî pirodayene.

Artêşa tirke ya îşxalkere mewzîyê şerî yê Şehîd Pîrdoganî yê Warê Xoverdayîşî yê Girê Amedîyê, mewzîyê şerî yê Şehîd Agir û Şehîd Welatî yê  Warê Xoverdayîşî yê Sîda pê bombyanê qedexeyan û çekanê kîmyewîyan ameyî bombardumankerdene. Reyna mewzîyê şerî yê Warê Xoverdayîşî yê Saca, Kurojahro, Girê Hakarî, Girê Cûdî, Sîda, Girê Amedîyê, Çemço, Girê FM û warê Girê Çarçel, Golka, Serê Metîna yê Metîna pê teyarayanê şerî, helîkopteranê hêrişî û obusan dîyayî bombayan ver.''