Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vetî:

''17ê teşrîna verêne de Warê Xoverdayîşî yê Çemçoyî de îşxalkeranê ke pê dûyê axûyinî hêrişê mewzîyanê şerî yê Şehîd Botanî kerdêne ameyî pirodayene, îşxalkerêk ame cezakerdene.

18ê teşrîna verêne de Warê Xoverdayîşî yê Saca de hêzanê ma yê YJA Starî pê çekanê giranan da îşxalkeran ro. Eynîî roje Warê Xoverdayîşî yê Çemçoyî de îşxalkerî pê çekanê giranan ameyî pirodayene. Na çalakîye de 2 îxalkerî ameyî cezakerdene. Warê Xoverdayîşî yê Şehîd Adilî de helîkopterê skorskyo ke cehdkerd ke leşkeran herême de rono hetê hêzanê ma ra ame pirodayene û mecbur mend ke peyser agêro.Warê Xoverdayîşî yê Girê Şehîd Derwêşî de îşxalkerî pê çekanê giranan ameyî pirodayene.

16ê teşrîna verêne de Warê Xoverdayîşî yê Berktorya yê Heftanînî de grûbêka îşxalkeran hetê hêzanê ma ra gerîyayî binê kontrolî û dima ra pê çekanê ferdîyan ameye pirodayene.  Îşxalkeranê ke derbî werdî erazî ra vila bîyî. Hêzê ma yê ke biney peyser ancîyayî saetanê veraşanî de de reyna da îşxalkeran ro. Na çalakîye de 2 îşxalkerî ameyî cezakerdene û îşxalkerêk birîndar bi.

18ê teşrîna verêne de Warê Xoverdayîşî yê Girê Amedîyê de 120 Kg teqaber hetê hêzanê ma ra ame îmhakerdene. Warê Xoverdayîşî yê Girê Cûdîyî de îşxalkerî pê çekanê giranan ameyî pirodayene.

Artêşa tirke ya îşxalkere 18ê teşrîna verêne de mewzîyê şerî yê Şehîd Sîpanî  yê Warê Xoverdayîşî yê Girê Amedîyê û mewzîyê şerî yê Şehîd Botan û Şehîd Serxwebûnî yê Warê Xoverdayîşî yê Çemçoyî pê bombayanê qedexeyan û çekanê kîmyewîyan dayî bombayan ver. Reyna mewzîyê şerî yê Saca, Kurojahro, Şehîd Fedakar, Girê Cûdî, Girê Amedîyê û erazîya Gundê Sêdarê, Gundê Kanîsarkê û Gundê Çembrogkî yê Garê pê teyarayanê şerî, helîkopteranê hêrişî û obusan dîyayî bombayan ver.

 Warê Xoverdayîşî yê Karkerî de zî pê kepçeyan ame cehdkerdene ke mewzîyê şerî bêrê rijnayene. Warê Xoverdayîşî yê  Şehîd Fedakar û Girê FMyî de semedê îşxalî xebata viraştişê rayîran dewam kena.''