Merkezê Îrtîbatî û Çapemenîye yê HPGyî darheqê çalakîyanê gerîlayan û hêrişê artêşa tirke de eşkerayîye daye û nê vatî:

''17ê teşrîna verêne de Warê Xoverdayîşî yê Çemçoyî de îşxalkerî hetê hêzanê ma ra ameyî pirodayene, îşxalkerêk ame cezakerdene. Warê Xoverdayîşî yê Saca de zî helîkopteranê ke waşt mewzîyanê şerî bidê bombayan ver, hetê hêzanê ma ra ameyî pirodayene. Helîkopterî mecbûr mendê ke peyser agêrê.

Artêşa tirke ya îşxalkere mewzîyê şerî yê Şehîd Yunusî yê Warê Xoverdayîşî yê Girê Cûdîyî, mewzîyê şerî yê Şehîd Pîrdoganî yê Warê Xoverdayîşî yê Girê Amedîyê û mewzîyê şerî yê Şehîd Felatî yê Warê Xoverdayîşî yê Sîda pê bombayanê qedexeyan û çekanê kîmyewîyan dayî bombayan ver.

Reyna mezîyê şerî yê Warê Xoverdayîşî yê Çemço, Girê Hakarî, Girê Cûdî, Girê FM, Girê Amedîyê pê teyarayanê şerî, hêlikopteranê hêrişî, obus, çekanê giranan û tanqan dîyayî bombayan ver.

 Warê Xoverdayîşî yê Karkerî de zî pê kepçeyan ame cehdkerdene ke  mewzîyê şerî bêrê rijnayene. Warê Xoverdayîşî yê Şehîd Adilî yê Sîda de semedê îşxalî rayîr yeno viraştene.''