Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Artêşa tirke ya îşxalkere huqûqê şerî û merdimîye peygoş kena, bomba û çekanê kîmyewîyan vera gerîlayanê azadîye şuxilnena. Vera ney xoverdayîşê gerîlayan dewam keno.Artêşa îşxalkere pê destekê NATOyî nê şerî rê dewam kena la pê îradeyê Apogîrî yê embazanê ma nêeşkena û her roje hîna bi giranî bombaya qedexekerdene û çekanê kîmyewîyan şuxilnena. Rixmê nê hêrişan zî gerîlayê azadîye gerîlatîya modernîteya demokratîke pratîze kenê, derban pêser dana artêşa îşxalkere ro.

Netîceya çalakîyanê hêzanê ma de 4 îşxalkerî ameyî cezakerdene, 1 îşxalker birîndar bi, 1 helîkopterê Skorskyî ame derbkerdene. Artêşa îşxalkere Warê Xoverdayîşî 19 reyî pê bombaya qedexekerde û çekanê kîmyewîyan, 7 reyî zî pê teyarayanê şerî, 26 reyî pê helîkopteranê hêrişî, bi desan reyî zî pê obus, tank û çekanê giranan dayî bombayan ver.

Detayî wina yê:

Çarçewa Hemleya Şorişgêre ya Bazanê Zagrosî de herêma Zapî de;

29ê êlule de Warê Xoverdayîşî yê Çemçoyî de mewzîyanê Şehîd Serxwebûnî de îşxalkerî di reyî ameyî derbkerdene.

30ê êlule de Warê Xoverdayîşî yê Şehîd Adilî yê Çemçoyî de îşxalkerî ameyî pirodayene û 1 îşxalker ame cezakerdene.

Çarçewa Hemleya Şorişgêre ya Bazanê Zagrosî de herêma Avaşînî de;

29ê êlule de Warê Xoverdayîşî yê Şehîde Zêrîne yê Şukê de tîmanê ma yê hereketînan da îşxalkeran ro. Çalakîye de 3 îşxalkerî ameyî cezakerdene, 1 îşxalker bi giranî birîndar bi. Heman wextî de hêzanê ma yê çimdaran da îşxalkeran ro û îşxalkerî remayî.

Çarçewa Hemleya Şorişgêre ya Şehîd Savaş Maraşî ya Cengê Xabûrî de; 30ê êlule de helîkopterêkê Skorksyî Warê Xoverdayîşî yê Girê Cûdîyî de ame derbkerdene û helîkopter rema.

Hêrişê ke artêşa tirke ya îşxalkere pê çekanê kîmyewîyan, bombaya qedexekerde û gazanê îsotî kerdê;

30ê êlule de Warê Xoverdayîşî yê Girê Amedîyê, Saca, Sîda, Çemçoyî dîyayî bombayan ver.

Hêrişê bînî yê artêşa îşxalkere;

30ê êlule de warê Girê Çarçelî yê Metîna, warê Goşîne yê Xakurkê, Warê Xoverdayîşî yê Çemço, Girê Şehîd Hewar, Kurojahro, Saca, Şikefta Birîndaran, Karker, Girê FMyî, Girê Cûdî û Girê Amedîyê dîyayî bombayan ver.

Artêşa tirke ya îşxalkere kerd ke Warê Xoverdayîşî yê Karkerî de mewzîyanê şerî pê kepçeyan birijna.

PDK zî Warê Xoverdayîşî yê Girê Amedîyê de seba artêşa tirke ya îşxalkere viraştişê rayîr û mewzîyan rê dewam kena. 30ê êlule ra nata zî PDKyî seba artêşa îşxalkere dest pê viraştişê baregehan kerd.''