Gerîlayanê Azadîye yê Kurdîstanî seba vîrameyîşê Şehîdanê 14ê Temmuze tay çalakîyî kerdî. Nê çalakîyan de 1 helîkopterê Skorksyî û 2 dronî ameyî warvistene, 1 konteynir û 1 xeyme ameyî îmhakerdene. 1 konteynir û 1 mewzî ameyî derbkerdene.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye. Eşkerayîye wina ya:
''Gerîlayanê Azadîye yê Kurdîstanî serrgêra Xoverdayîşê Rojeyê Mergî yê Pîlî yê 14ê Temmuze û vîrameyîşê şehîdanê nê xoverdayîşî Kemal Pîr, Mehmet Hayrî Durmuş, Akîf Yilmaz û Alî Çîçekî bi çalakîyanê tesîrînan pêşwazî kerdî. Ma şexsê şehîdanê 14ê Temmuze de pêro şehîdanê xo bi rêz û minetî yad kenê û pare kerd ke bi qerardarî, ruhê fedayî û hişê Apogîrî têkoşînê xo rê dewam bikerê.
Herêma Şehîd Delîlî ya Rojawanê Zapî
9ê temmuze de Warê Xoverdayîşî yê Girê Cûdîyî de hetê gerîlayanê ma yê YJA-Starî ra 1 dron ame warvistene.
10ê temmuze de Warê Xoverdayîşî yê Girê Cûdîyî de 1 dorn hetê gerîlayanê ma yê YJA-Starî ra bi çekanê ferdîyan ame warvistene.
9ê temmuze de Warê Xoverdayîşî yê Girê Amedîyê de îşxalkerî hetê gerîlayanê ma yê YJA-Starî ra bi çekanê giranan ameyî hedefkerdene. Dima hetê gerîlayanê ma yê YJA-Starî ra 1 konternir û 1 xeyma îşxalkeran ameyî îmhakerdene.
10ê temmuze de Warê Xoverdayîşî yê Girê Amedîyê de îşxalkerî bi çekanê giranan ameyî pirodayene.
9ê temmuze de Warê Xoverdayîşî yê Girê Biharî de hetê gerîlayanê ma yê YJA-Starî ra îşxalkerî ameyî pirodayene.
10ê temmuze de Warê Xoverdayîşî yê Girê Biharî de 1 helîkopterê Skorkyî ame pirodayene û warvistene.
Herêma Metîna
9ê temmuze de Warê Xoverdayîşî yê Serê Metîna de hêzanê ma mudaxeleyê helîkopterêkî kerd.
10ê temmuze de Warê Xoverdayîşî yê Golka de 1 konteynir û 1 mewzî ameyî derbkerdene.
Hêrişê artêşa îşxalkere
10ê temmuze de tunelê Warê Xoverdayîşî yê Girê FMyî bi gazanê kîmyewîyan û teqaberanê qedexeyan, tunelê Warê Xoverdayîşî yê Girê Amedîyê bi bombayanê nukleran ê taktîkan û tunelê Warê Xoverdayîşî yê Şêlazê bi dronanê teqaberan dîyayî bombayan ver.
9-10ê temmuze de warê Şehîd Şerîf, Girê Şehîd Hawar, Girê Berbizinê yê Xakurkê; warê Şehîd Îbrahîmî yê Zapî; warê Dêreşê, Mijê, Girê Zengil, Gûzê, Girê Reşît, Xêrê, Yekmalê, Deşta Kafya, Şiyê yê Garê; Warê Xoverdayîşî yê Girê Biharî; Warê Xoverdayîşî yê Bêşîlî û Warê Xoverdayîşî yê Girê Biharî dîyayî bombayan ver.''
