Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê dewleta tirke de eşkerayîyêke daye.

Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Heftanînî de;

24ê temmuze de warê Xantûrî de îşxalkerî pê taktîkê suîkastî ameyî pirodayene û netîceya çalakîye de 1 îşxalker ame cezakerdene. Na çalakîya hêzanê YJA-Starî de seba vîrameyîşê embaza ma Zelale Sîdem ameye kerdene.

Çarçewa Hemleya Şorişgêre ya Bazanê Zagrosî de herêma Avaşînî de;

24ê temmuze de îşxalkerê ke waştêne Girê Silêmanî ra ver bi Sirtê Navçela şorê hetê hêzanê YJA-Starî ra pê teknîkê sabotajî ameyî pirodayene. Netîceya na çalakîya serkewte de 2 îşxalkerî ameyî cezakerdene. Îşxalkerê ke qedemeyêk xo apey girewt reya diyîne pê taktîkê sabotajî ameye pirodayene û 1 îşxalker ame cezakerdene.  Netîceya na çalakîya serkewte ya YJA-Starî de bi temamî 3 îşxalkerî ameyî cezakerdene.

24ê temmuze de îşxalkerê ke xîret kerdêne ver bi tunelanê şerî şorê hetê hêzanê ma ra mesafeyêka nêzdîye ra ameyî priodayene. Îşxalkerê ke derbe girewte neçare mendî ke qademeyêk xo apey bigêrê. Heman roje droneyêk ame warvistene.

25ê temmuze de îşxalkerê ke waştêne pê teqaberan hêrişê tunelanê şerî bikerê Girê Sor de hêzanê ma mudaxeleyê înan kerd û îşxalkerî neçare mendî ke qademeyêk xo apey bigêrê. Leşkeranê artêşa tirke ya îşxalkere yê ke pê hêzanê ma nêeşkayî wexto ke xo apey girewtêne warê daristanan ê Girê Silêmanî da adirî ver.

24ê temmuze de warê Xantûrî yê Heftanînî da bombayan ver. Netîceya bombardumanî de şewat vejîya û xeylêk zerar reda bax û baxçeyanê şarî ser. Heman roje dewa Orê ya Kanî Masî ya Amedîyê dîyaye bombayan ver, waranê Girê Silêman, Girê Spî, Tabura Ereba, Banista û Mervanosî yê Avaşînî de têgêrayîşê helîkopteran qewimîya, tunelê şerî yê Werxelê dîyayî bombayan ver û qerajanê Sîmkoyî yê Girê Şehîdî de têgêrayîşê helîkopteran qewimîya.

Nê bombardumanan de zerarêk nêresa hêzanê ma ser.''