Koordînasyonê KJKyî bi wesîleya serrgêra 100. ya Peymana Lozanî eşkerayîyêka nuştekîye daye. Eşkerayîye wina ya:

''Temmuza 1923yî de Lozanê Swîsre de bi îmzakerdişê Peymana Lozanî Kurdîstan çar parçe bi. Peymana Lozanî se serrî xo pey de verdayî. Nê 100 serran de cînsîperestî, dînperestî û serdestîya camêrdan empozê komelî ameyî kerdene. Coka ma na peymana qirkerdişî şermezar kenê.

Kurdê ke bi Peymana Lozanî mîyanê qirkerdişî de mendê înan parçebîyayîşê welatê xo qebul nêkerd. Dewletanê emperyalîstan û kolonyalîstan seba ke kurdî Kurdîstanî ra fek vera nêdanê apey game eşte. Kurdî seba pawitişê welatê xo 100 serrî yo têkoşîn kenê û xo ver danê. Kurdî se serrî yo şehîdan danê. Şexsê Besê, Zarîfe, Sakîne Cansiz, Leyla Qasim, Şîrîn Elemhûlî, Hewrîn Xelef û lîderanê xoverdayîşî Kurdan Seyît Riza, Alîşêr, Qadî Mihemed, Qasimlo, Şêx Said, Nûrî Dêrsimî, Şex Ebdulselam Barzanî, Îhsan Nûrî, Mazlûm Dogan û şehîdanê 14ê temmuze de ma pêro şehîdanê Kurdîstanî bi rêz û minetî yad kenê. Ma soz danê ke xeyalê înan Kurdîstanê Azadî awan bikerê.

Peymana Lozanî ra Kurdîstan ame îşxalkerdene, ziwan, kultur û nasnameyê kurdan ameyî hêrişkerdene. Kurdkî ameye qedexekerdene, dımanê kurdî bi taybetî domanê kênayî dîyayî mîsyoneranê sey Sidika Avar, kênayê Dêrsimî keyeyanê leşkeran rê dîyayî û ameyî asîmîlekerdene. Bi polîtîkayanê nê se serran ame xîretkerdene ke cinî û komelê kurdan bêrê çinkerdene. Coka Peymana Lozanî bîye sebeb ke cinîyê kurdî bibê hedefê gef, hêrişan. 

3yê tebaxa 2014î de cinîyê êzidîyî bi destê DAÎŞî ameyî qirkerdene, reyna Helebçe de pê çekanê kîmyewîyan ameyî qirkerdene. Nê pêro pê destekê Peymana Lozanî qewimîyayî. Kurdî teyna ver dîyayî, koyan ra ber dostê înan nêmend. Coka Peymana Lozanî tarîxê destpêkerdişê qirkerdişê kurdan o.

Ma sey têgêrayîşê azadîye yê cinîyan ê Kurdîstanî dîyar kenê ke do pê xoverdayîş û têkoşînê xo vera Lozanêkê neweyî têbigêrê û qetî rayîr nêdê Lozanêkê neweyî. Ma do îdîa û israrê xo yê serê Kurdîstanê Azadî û Rojhelatê Mîyanênî yê Demokratîkî bizêdînê û têkoşînê xo biresnê çareserîyêka rûmetêne.

Paradîgmaya komelê demokratîk, ekolojîk û azadîgîrîya cinîyan do bieşka heqê texrîbatanê Peymana Lozanî ra bêra û cuya azade awan bikera. Ma bênasnamebîyayîşî qebul nêkenê. Ma do xo rê bikerê esas ke bi ziwanê xo yê dayîke biciwîyê.

Ma do rayîr nêdê polîtîkayanê qirkerdişê cinîyan, tecawuz, tacîz, rotişê cinîyan, asîmîlasyon, surgun, trajedîyêka newîye ya sey kênayanê Dêrsimî. Vera hêrişan ma têkoşînî geş bikerê û fikrê xo cinîyanê azadan-komelê azadî bîyarê ca.

Bi awankerdişê yewîya neteweyîye peynîya Peymana Lozanî û polîtîkayanê qirkerdişî bîyarê!

Kurdî bi Peymana Lozanî bîyê çar parçeyî la reyna zî tim pay ra mendî û xo ver da. 15ê sibata 1999î de Rayber Apo bi komployî esîr ame girewtene ke kurdî azad nêbê. La Rayber Apoyî û PKKyî no komplo bin vist. Xoverdayîş û têkoşînê kurdan o 29. o ke PKK serkêşîya ci keno, azadîya pêro kurdan armanc keno. Hêzanê hegemonan û netewe-dewletan îxanetê kurdan xo rê kerd beşdar û vera PKKyî komployêko newe vist dewre.

Serrgêra 100. ya Peymana Lozanî de ma venga pêro cinîyan û aktoranê sîyasîyan û partîyan danê ke xeta yewîya neteweyîye de bêrê yewca. Qet yew partî û rêxistin wa seba menfaetê xo yewîye rê asteng nêbo. Ma venga pêro rêxistin û partîyanê kurdan danê ke seba kongreya neteweyî ya kurdan bêra kerdene îradeyê xo bimojnê û cewab bidê Peymana Lozanî.

Ma venga pêro kurdan danê ke sere de ziwan û kultur seba averberdiş û pawitişê heqanê bingeyîyan têkoşînî geş bikerê.

Ma venga pêro hêzanê welatperweran danê ke seba ke hêzanê xo yê dîplomasî û pawitişê cewherîyî yew bikerê qerar bidê.

Ganî ma dewletanê kolonyalîstan rê vajê ke îrade û nasnameyê kurdan bişinasnê. Nêbo Kurdîstan tim parçekerde bimano. 

Şima berpirsîyarê pêro qirkerdişanê vera kurdan ê!

Komara Tirkîya ya ke bi Peymana Lozanî înkarê kurdan ser o ronîyabî, seba ke bişinasîya Musûl-Kerkûk îngilîzan rê ame dayene. Ni na peymane dewleta tirke eşkeye mîyanê sîstemê kapîtalîste de sey dewletêka serwere cabigêra.

Hêzanê emperyalîstan tim meseleya kurdan seba menfaetanê xo şuxilnaye û kurdî mîyanê qirkerdiş û bêstatubîyayîşî de verdayî. Çar dewletanê kolonyalîstan zî kurdî qetil kerdî. Nê çar dewletan seba ke kurdî nêbê wayîrê statu û heqanê xo pêkerd.

Ma sey Têgêrayîşê Azadîye yê Cinîyan ê Kurdîstanî hêzanê hegemonan polîtîkayanê qirkerdişê kurdan ra mesuldar vînenê.

Ma do bi hêzê birêxistinkerdeyî yê cinî û şaran vera menfeaetanê pragmatîstan vejîyê.

Sûcanê xo yê vera kurdan ra fek vera bidê, kurdan ra efûya xo biwazê. Kurdîstanê Azadî, Rojhelatê Mîyanênî yê Demokratîkî û Konfederalîzmê Demokratîkî bişinasnê.

Bi israr û qerardarîya serê haştîya Rojhelatê Mîyanênî û çareserîya demokratîje seba ke seserra 21. biba yê kurdan û cinîyan do peynîya polîtîkayanê antî-demokratîk, kolonyalîst û cînsîperestan bêra. Bi na wesîle ma sere de cinîyê kurdî venga pêro kurdan û şaranê herêne danê ke yew bibê û têkoşînê hemparî bikerê. Ma do pêro peymananê qirkerdişî pûç bikerê, bi îrade, hêz û xoverdayîşî yewîya demokratîke û ameyoxê şaran ê azadî awan bikerê. Cinîyê ke serkêşê têkoşînî yê, do awankerdişê yewîya neteweyî ya demokratîke û haştîya rûmetêne de ser bikewê!''