Qezaya Qubînî ya Êlihî de kênaya ciwane Îpeke Er (18) 20 rojan maruzê tecawuzê leşkerê tirkî Musa Orhanî mend. 16ê temmuze de Îpeke Er xîret kerd ke xo bikişa. Îpeke Er dima nêweşxane de ke tede tedawî bîyêne dinyaya xo bedilnaye. Roniştişo verên ê dewaya Orhanî ewro ame kerdene.

Xeylêk parlamenterê HDPyî, temsîlkarê dezgehan, huqnasî û rojnamegerî zî tede xeylêk kesî ameyî Edlîyeya Sertî la bi sebebê janî têna 20 kesî girîyayî  zere ê bînan rê destûr nêdîya ke bikewê zere. Roniştişo verên ê dewaya Orhanî de qerar ame girewtene ke o do serbest bêro muhakemekerdene. Qerarî dima maya Îpeke xora şîye. Roniştişo bîn 26ê sibate rê peyde erzîya.