Merkezê Çapemenî û Îrtîbatî yê HPG’yî da zanayene ke çarçeweya Hemleya Şorişgêre ya Şehîde Ronya û Şehîd Bagerî de vera artêşa Tirkî çalakîyî ameyî viraştene  û nê pare kerdî:

‘‘2’ê Êlule de hêzanê ma qezaya Çelê ya Colemêrgî de vera  leşkeranê ke Qilê Koordîne de ameyî cakerdene çalakîyêk viraşte. Çalakîya ke stergehê dişmenî bitesîr ameyî pirodayene de hûmara merde û birîndaranê dişmenî nêameye tesbîtkerdene. Heman roje de hêzanê ma konvoyê artêşa Tirkî yo ke ver bi Qilê Xeregolî yê Çelê şîyêne hedef girewt. Çalakîye de wesayîtêko zirxin ê tîpê Kobra ame îmhakerdene, 13 leşkerî ameyî kiştene û 3 zî birîndar bîyî. Dimayê çalakîye herême ameye bombavarankerdene.‘‘