Grevê vêşanîye yê tepişteyan ê vera tecrîdî 50 rojî xo pey de verdayî.

Hemsereka Komeleya Paştdayîşî û Hetkarîya Bi Keyeyanê Tepiştî û Hukmwerdeyan a Marmara (TUHAY-DER) Esîne Çelîk  derheqê babete de ANFyî reyde qisey kerd û vat: ''Çalakîya grevê vêşanîye heta ke tecrîd biqedo do dewam bikera. Hetê sîyasî ra hema gamêke nêerzîyaye eqsê ci tedaya zîndanan zêdîyaye.  Tepişteyî nêeşkenê keyeyanê xo bivînê, gardîyanî erzenê koxûşan ser, dest nîyeno hacetanê tepişteyan ser.''

Çelîke vist vîrî ke koma 11. grevê vêşanîye kena û vat: ''Eke dîyalogî nêrê kerdene ma zanenê ke no proses senî qedîyeno. Tay zîndananê sey Karabûk de tay koxûşî bi temamî mîyanê lapanê janî de yê. Destpêkê grevê vêşanîye ra nata zîndanan ra agahîyê qîmî nêgêrîyenê. Dezgehê weşîye hema newe derheqê mesele de heyetêk awan kenê. Ma do na çarçewe de rewşa tepişteyan bizanê. Verî zî xeylêk tepişteyî tewrê grevê vêşanîye bibî. Tesîrê grevî serran ra dima beden de eşkera benê. Coka tepişteyî grevê vêşanîye yê bidorî kenê. Reyna zî rîsk esto. Tepişteyî qerardar ê ke çalakîya xo dewam bikerê û paştdayîş wazenê.''