Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Netîceya çalakîyanê hêzanê ma de 3 îşxalkerî ameyî cezakerdene. Îşxalkeran mewzîyê xoverdayîşî reyêke pê bombaya qedexekerde û 10 reyî zî pê çekanê kîmyewîyan dayî bombayan ver. Reyna Warê Xoverdayîşî 16 reyî pê teyarayanê şerî û bi desan reyî zî pê obus, hawan û çekanê giranan dîyayî bombayan ver.

Detayî wina yê:

Çarçewa Hemleya Şorişgêre ya Bazanê Zagrosî de herêma Zapî de;

Herêma Çemçoyî ya bajarekê Şêladizê ya Amedîyê de 22yê kanûne de, îşxalkerî pê çekanê giranan û taktîkê suîkastî ameyî pirodayene. Nê wird çalakîyan de 3 îşxalkerî ameyî cezakerdene.

Hêrişê ke artêşa îşxalkere pê bombayanê qedexekerdeyan û çekanê giranan kerdê;

22yê kanûne de herêma Çemçoyî reyêke pê bombaya qedexekerde û 10 reyî zî pê çekanê kîmyewîyan dîyaye bombayan ver. 

Hêrişê bînî yê artêşa îşxalkere;

22yê kanûne de erazîyê Girê Çarçelî yê Metîna, warê Sinînê yê Xakurkê, herêma Çemçoyî, Warê Xoberdayîşî yê Girê Hekarî û Girê FMyî û dormeyê dewa Sîda dîyayî bombayan ver.''