Ame zanayene ke xeylî çeteyî Îdlîb ra bi rayîrê dewleta Tirkî derbazê Efrînî benê. Goreyê zanayîşê ke ameyê girewtene, xeylî çeteyê DAÎŞ’î yê çolanê Îdlîb, Hema û Lazîkîye de yê, hetê dewleta Tirkî ra Efrîn de yenê cakerdene.

Taxa Eşrefîye ya Efrînî de mabênê çeteyanê DAÎŞ’î û grubanê çeteyan ê ke girêdayîyê dewleta Tirkî yê de şer qewemîya. Şer de 2 DAÎŞ’î û 3 çeteyê ke girêdayîyê dewleta Tirkî yê merdî, her di hetan de zî çeteyê birîndarî estê.

Hetê bînî ra da zanayene ke dewleta Tirkî û çeteyanê ci xeylî nuqtayanê merkezê bajarê Efrînî de cîhazê goşdarîkerdişî û kamerayî ca kerdê.