Polîsan saetanê rewî yê serê sibayî de eşt banê HDP’yî yê Çewlîgî ser. Reyna sereştişê xeylî  keyeyan ê qezaya Bongilanî û merkezê bajarî de zî 9 endamê Meclîsî Ciwanan ê HDP’yî ameyî desbenkerdene.

Çewlîg de çarçeweya operasyonê qirkerdişê sîyasîyî de polîsan eşt banê HDP’yî û xeylî keyeyan ser. Qezaya Bongilanî de 4 û merkezê bajarî de 5 endamê Meclîsî Ciwanan ê HDP’yî ameyî desbendkerdene. Kesekê ameyî destbenkerdenê  nameyê Firat Bûlût û Mehmet Nûrî Mertî ameyî eşkerakerdene nameyê yê bînan hema zelal nêbîyî.  Ame vatene ke operasyon dewam keno û yeno pawetene ke destbendî zafêr bê.

Veysel Kaya: Wazenê ke serkewtişê HDP'yî ra qesas bigîrê

Hemserekê HDP’yî yê Çewlîgî  Veysel Kayayî bi eşkerayîyêk vera sereştişan reaksîyon da. Kayayî va:‘‘ AKP dest bi helîyayîşî kerd.Coka hêrişê xo zêdînayî. Bi nê hêrişan wazenê ke serkewtişê HDP’yî yê 31’ê Adare ra qesas bigîrê. La ê seken wa bikerê xoverdayîşê ma do dewam bikero.‘‘