Çewlîg de şoforê wesayîtanê HDP’yî rîyê cinayîşê deyîra weçînitişî yê ‘Bijî bijî HDP''yî ya ke tede Kurdistan ravêreno, ra ameyî destbenkerdene û îfadeyê înan ame girewtene. Xeylî wesayîtan rê zî ceza ameye birnayene.
Çewlîg de semedê vernî girewtişê xebata weçînitişî yê HDP’yî hêzê dewlete çîyo ke dest ra yeno kenê. Wesayîtanê HDP’yî rê bilaheq ceza birnenê û şoforan destbend kenê. Îdarekarê HDP'yî yê bajarî vera hêrişan mesajanê xurtkerdişê xoverdayîşî danê.
Çewlîg de 10 wesayîtanê HDP’yî yê weçînitişî ra 3 heban rê bilaheq cazayê cîya cîya ameyî birnayene. Reyna semedê deyîra ke tede Kurdistan esto şoforî ameyî destbendkerdene. Merkezê Çewlîgî de bi sebebo ke deyîre de Kurdistan ravêrto şoforê ci gîrîya bine nezaretî. Qezaya Dare Henî de zî şoforêk rîyê muzîkî ra ame destbendkerdene û îfadeyî ra dima serbest ame veradayene. Îdarakaranê HDP’yî yê Merkez û qezayanê Çewlîgî vera nê nizdbîyayîşê herişkarî hêrsê xo ard ziwan û vat ke bi ters û xofî wazenê ke ma bitersnê û pêser game bide ma eştene. La ê sekenê wa bikerî ma xebatanê xo ca nêverdenê, xoverdayîşê xurtkenê û tewr peynî de do ma ser bikewê.
