Çewlîg de qorîcîyêk cinî û lajê xo qetil kerdî
Qezaya Dara Hênî ya Çewlîgî de qorîcîyêk bi sîleho ke dewlete dayo ci cinî û 3 qijanê xo ser o guleyî varnayî. Hêriş de cinî û lajêkê ci merdî 2 qijê ke birîndarê xidarî nêweşxane rê ameyî wedarnayene.
Qezaya Dara Hênî ya Çewlîgî de qorîcîyêk bi sîlehî hêrişê cinî û 3 qijanê xo kerd. Cinî û qijêk merdî 2 qijî zî birîndarê xidarî.
Qorîcîyo bo nameyê Omer D bi silehê xo yo ke dewlete dayo ci, cinîya xo Songule (25) û qijanê xo Efekan (1) Mûhammed Yûsûf (6) û Fatîh (3) ser o guleyî varnayî. Cîranan veng da ambûlansî, birîndarî ameyî berdene bi Nêweşxaneyê Dewlete yê Qeza. Nêweşxane de Songule û qijan ra Fûrkanî wefat kerd. Di birayî bînî yê ke birîndarê xidarî Nêweşxaneyê Dewlete yê Çewlîgî rê ameyî wedarnayene. Qorîcîyo qetilkar ame destbendkerdene.
