Çewlîg de zimistan dîya. Bi taybetî dewa Sirnanî ya qezaya Karerî ya şaristanî de vewre pêro cayî girewtî. Dewa Sirnanî pê rindîya vewre xemilîyaye.

Dewijî hem vera zehmetîya zimistanî xo ver danê hem zî pê vewre keyf kenê. Domanî zî vewre de xo xij kenê.

Dewijanê dewe ra Ronî Kal vano ke o Îzmîr de zanîngeh de waneno la pandemî ra dewe de yo. Ronî vano: ''Ez hamnanan dewe de babîyê xo rê ardima kena. Heywanê ma estê.''

Ronî ano ziwan ke hamnanan de 5-6 keyeyî şinê ware û nika pandemî ra dewe de qasê 30 keyeyî ciwîyenê.

Ronî vano: ''Şanan ma embazî yew keye de yenê pêser, xoşebere kenê û tembûr danê piro. Ez pandemî ra nêwazena şora zanîngeh. Ez wazena dewe de biciwîya la şertê Tirkîya xirab ê û coka ez bixebita. La ez nêwazena dewa xo ra dûrî bikewa.''