Çewlîg: Samet A. bi sucê kiştişê embazê xo ame tepiştene
Samet A.yo ke bi şikê muzîsyen Denîz Ayazî pê çeke kişto amebi destbendkerdene, hetê mehkeme ra ame tepiştene.
Roja çarşemeyî muzîsyen Denîz Ayazo ke 4 rojan ra nata vînbîyaye bibi dewa Tarbasanî ya merkezê Çewlîgî de merde amebi dîyene.
Ame vatene ke babîyê 5 domanan Denîz Ayaz hetê Samet A. ra pê 4 guleyan ameyo kiştene. Same A.yo ke serebûtî ra dima remabi Xarpêt vizêr ame destbendkerdene û vejîya mehkeme.
Samet A.yo ke koma Ayazî de muzîsyenîye kerdêne hetê mehkeme ra ame tepiştene û erşawîya Zîndanê Çewlîgî.
