Çîftçîyî ra xebere nîna girewtene
Musa Çîftçî yo colemêrgijo ke nuqtaya cigêrayîşî ya PDKyî ya Hewlêrî de ame destbendkerdene ra 16 rojî yo xebere nîna girewtene. PDK zanayîş nêdano merdimanê ci.
Musa Çîftçîyo ke 2015î ra nata Silêmanî de ciwîyeno 10ê adare de gama ke Silêmanî ra şîyênî Hewlêrî hetê pêşmergeyanê PDKyî ra qezaya Şeqlawa de ame destbendkerdene.
Keyeyê Çîftçîyo ke Colemêrg de yo seba ke 16 rojî yo lajê xo ra xebere nêgeno şi Şeqlawa. Keyeyî ke selahîyetdaranê PDKyî reyde pêvînayîşî kerdî vat PDKyî derheqê Çîftçî de zanayîş nêdayo înan. Keyeyo ke agêra Silêmanî cigêrayîşanê xo domneno.
