Çimdarê sîyasî û Endamê KNKyî yê Başûrî Fîryat Hîranîyî paştî daye kampanyaya vera qedexeyê serê PKKyî. Hîranîyî derheqê babete de ANFyî rê qisey kerd.

Hîranîyî da zanayene ke PKK ronîyayîşê xo ra nata kedêka pîle daye ke îşxalkerî Kurdîstanî ra vejîyê. Hîranîyî vat: ''PKK têgêrayîşêko têkoşer, demokrasî, azadîye yo. Têkoşînê azadîye yê PKKyî seba pêro kurdan û Kurdîstanî yo. Dewletê mîyanneteweyî seba menfaatanê xo PKK na lîste de verdenê. Wextêk înan Mandela zî vistbi na lîste. La nika Mandela sembolê azadîye yo.''

Hîranîyî komelo mîyanneteweyî wina rexne kerd ke terorê Tirkîya nêvîneno û vat: ''Dewletê sey Tirkîya, Iraq û Sûrîye îşxalkerîye kenê. Çira çew verê înan de çîyêk nêvano? Ez paştî dana kampanayaya vera qedexeyê serê PKKyî. Ganî PKK pêro dinya de sey têgêrayîşêkê sîyasî, neteweyî û demokratîkî bêro qebulkerdene.''

Hîranîyî bale ante ser ke Rayberê Şarê Kurdî Abdullah Ocalanî ser û vat: ''Ganî Birêz Ocalan bêro azadkerdene, zîndanî ra vejîyo. Tepiştişê ey sîyasî yo û meşrû nîyo.''