Endamê Meclîsê  Partîya Cuya Azade ya Kurdîstanî (PJAK) Ehwen Çîyakoyî Komployê Mîyanneteweyî yê Rayberê Şarê Kurdî Abdullah Ocalanî û serewedaritişê şarê Rojhelatî yê o çaxî ercna.

Ehwen Çîyakoyî vist vîrî ke şarê Rojhelatî tim vera îşxalan têkoşîn keno û vat: ''Şarê Rojheletî serra 1979î ra heta 1990yî bedelê pîlî dayî. Seba ke rayberê înano serkêş çînêbi û rîyê kêmayîya partîyanê sîyasîyan ê o çaxî ra çi heyf ke netîce nêgirewte. No zî bi sebebê zafbîyayîşê zextê rejîmê Îranî û bêhêvîbîyayîşê şarî. La wendekar û ciwanî metodanê neweyan ê têkoşînî ser vindertî. O çax Rayberîye zî cehdkerdêne ke Rojhelat de têkoşîn û xebate rayra bero. Netîceya nayî de serranê 90an de berzeyê têgêrayîşê Apoyîyî Rojhilat de ame ramitene. Bêşik o ke akerdişê MED TVyî  şarê Rojhelatî ser o tesîro pîl kerd. Hem wina şarî Rayber Apo hole nas kerd, hem zî têgêrayîşo Apoyîyî raştîya Rojhilatî dîye. Ciwanîya Rojhilatî felsefeya Rayber Apoyî de hêvî dîye û tewrê sefanê gerîlayan bîye.''

Çîyakoyî bale ante serewedaritişê şarê Rojhelatî yê vera Komloyê 15ê Sibate ser  û wîna dewam kerd: ''Şarê Rojhilatî vera komployî vejîya û hetêk ra zî mesajê ez hema payra ya da dewleta Îranî. Vera Komployê 15 Sibate wayrîvejîyayîşê şarê Rojhelatî yê Rayber Apoyî her cayî ra cîya bi. Heme bajaranê Rojhilatî de şar vejîya kuçeyan û bi tewirêkê welatperwerî têgêra. Rojhilat de atmosfero şorişkî ame afernayene. Rejîma Îranî seba ke serewedaritişê şarê Rojhelatî bişikno têdima hêrişî kerdî. Zafê înan bajarê Sine ra 50 kesî nê hêrişan de şehîd bîyî la waştişê rejîmî nêame ca. Badê nê hêrişî şarê Rojhilatî zafêr tewrê têgêrayîşê Apoyîyî bi.

Şarê Rojhelatî serra 1999î de bi ruhê şorişgêrî wayîrê Rayber Apoyî vejîya. Ganî ewro reyna ê ruhî ramojno dişmenî û vajo ke 'ma sey netewêke pîya bermenê û pîya wîyenê.' Ganî dişmenî rê eşkera bêro vatene ke 'serkêş û rayberê ma ercê ma yê, şima nêeşkenê pî letekerdişî hîsanê ma yê şorişgêr û neteweyan çîn bikerê.' Ganî pê ruhê şarê şorişgêrî îşxalkeranê Kurdîstanî ra hesab bêro persayene û semedê azadîya Rayber Apoyî û Kurdîstanî têkoşîn bêro kerdene.''

Çîyakoyî ard ziwan ke şarê Rojhelatî verê têgêrayîşê azadîye bêhêvî bi û nê vatî: ''Bado ke PJAK ame ronayene tabloyo zersiya bedilya, şarî semedê xelisyayîşî têkoşîn kerd û wayîrê leteyanê bînan ê Kurdîstanî zî vejîya. Rejîmê Îranî ewro her wextî ra zafêr îradeyê xelisyayîşî yê şarî ra terseno. Tewr zaf şarê Rojhelat û Îranî hewceyê sîstemê Komfederalîzmê Demokratîkî yê Rayber Apoyî yo.''

Çîyakoyî veng da ke wa her kes wayîrê Rayberê Şarê Kurdî Abdullah Ocalanî vejîyo û qiseykerdişê xo wîna qedîna:  ''Şarê Rojhelatî do çarçewa kampanyaya Dem demê azadîye yo û Îdamî rê ney wext wextê azadîye yo de têkoşînî do pîlêr bikero. Şarê Rojhelatî û Îranî ganî bi ruhê 1999î tewrê çalakîyan bibo. tewrê çalakîyanê vera komployî bibo. Azadîya Rayber Apoyî azadîya heme şaran ê bindestan a.''