Heyetê KCD, TJA, DBP û HDPyî semedê caardişê yewîya neteweyîye Êlih de xebat rayra beno ewro qezayanê Qabilcewz û Hezoyî de esnafî zîyaret kerdî û semedê tewrbîyayîşê çalakîya 29ê çeleyî veng da.

Xebatî di qolan ra ameyî kerdene. Qefleyêk binê teqîpkerdişê polîs, leşker û qorîcîyan de Qebilcewz de esnafî zîyaret kerdî.  Qefleyê bînî Hezo de bajarekê Bekîrhan de şarî reyde ame têhet. Bane HDPyî de kombîyayîşê şarî ame kerdene.

Hemsereka Pêroyî ya DBPy Salîha Aydenîz ard ziwan ke şarê kurdî semedê heqanê xo têkoşîn keno û vat Rojhilatê Mîyanên de bê kurdan yew game zî nêeşkena bêro eştene. Aydenîze vist vîrî ke Rayberê Şarê Kurdî Abdullah Ocalan 21 serrî yo binê tecrîdê giranî de yo û vat huqûqê mîyanneteweyî ke vera nayî bêveng o sûc keno. Aydenîze vat şar do nê tecrîdî wedaro. Hemserekê Pêroyî yê KCDyî Bedran Ozturk zî ard ziwan ke seba hêzê serdestî yewîya kurdan ra tersenê verê nayî genê û vat ganî kurdî bibê yew û wayîrê heqanê xo bivejîyê.

Badê kombîyayîşî esnaf ame zîyaretekerdene. Seba ke sloganê sey ''Wa biciwîyo xoverdayîşê zîndanan'', ''Cinî cuye azadîye'' û ''Wa bimiro xayînîye, biciwîyo Kurdîstan'' ameyî eştene polîsan bi anosan şar tehdît kerd ke wa vengê xo bibirnê û la vengê sloganan nêvinder.