Êlih de polîsan 27ê teşrîna peyêne de eştbi zaf keyeyan ser û endam û îdarekarê KCD, ÎHD, HDPyî, Meclîsê Mayanê Haştîye û TJA zî tede 30 kesî destbendkerdibî. 30 kesanê destbendkerdeyan ra 7 kesî perey  ameyî tepiştene û 3 kesî zî bi şertê kontrolê edlîyî amebî veradayene. Vizêr zî 7 kesê bînî destbendkerdişê 8 rojan ra dima sewqê edlîye ameyî kerdene û derheqê 13 kesan de zî bira ameye dayene ke wextê desbendkerdişê înan gore 4 rojan bêro dergkerdene.

7 kesanê ra ke sewqê edlîye ameyî kerdene 2 kesî ameyî veradayene û 5 kesî ameyî tepiştene. Mustafa Erol û Endama Meclîsê Mayanê Haştîye Nurane Seçkîn bi şertê kontrolê edlîyî ameyî veradayene. Hemsereka HDPyî ya Êlihî Fatma Kapaligoz, Seyîthan Tatar, Veysî Aslan, Sadrettîn Yilmaz, Hemserekê DBPyî yê Qezaya Merkezî Mehmet Salîh Turmuş zî bi îdîaya ''endamîya rêxistine'' ameyî tepiştene û ameyî berdene bi zindanî.