27ê teşrîna peyêne de Êlih de sereştişanê keyeyan de delegeyê Kongreya Komelê Demokratîkî (KCD), endamê Komeleya Heqanê Merdiman (ÎHD), aktîvîstê Têgêrayîşê Cinîyan ê Azadan (TJA), endam û îdarekarê Meclîsê Mayanê Haştîye û Partîya Demokratîke ya Şaran tede 30 kesî ameybî destbendkerdene.

Nê 30 kesan ra 10 kesê ke dima ke îfadeyê înan asayîşî de ame girewtene ameyî berdene bi Êlihî. Asayîşî de kompîterê înan de dosyaya bi nameyê ''Delegeyê KCDyî yê Êlihî'' ya ke 2018î de sereştişanê vera KCDyê Amedî de ameyî dîyene bi hawayê ke ''Endamê rêxistine nîyê la nameyê rêxistine ser o suc kerd'' ameyî sucdarkerdene. Kesê ke asayîşî de heqê xo yê bêvengîye xebitnayî dima ke dozgerîye de îfade da bi waştişê veradayîşî yê kontrolê edlîyî Mahfus Akgul, Gulere Turhan û Murat Tekîn  û bi waştişê tepiştişî Aşe Adlig Acar, Elîfe Koyuncu, Halîme Çetînkaya, Mehmet Emîn Ozerk, Mehmet Yaşar, Mehmet Yildirim, Serdar Oztekîn zî sewqê mehkeme ameyî kerdene.

Dozgerî KCD sey dezgehêkê PKK-KCKyî hesîbna û ê kesî bi ''endamîya rêxistine'' sucdar kerdî. Ame zanayene ke îfadeyê 20 kesanê ke amebî destbendkerdene hema zî dewam keno.