Îbrahîm Ergun Mûş de ame definkerdene

Îbrahîm Erguno ke pê armancê şermezarkerdişê şert û mercanê multecîyan ê Korinthî xo kiştbi, badê 11 rojan memleketê ci Kopê Mûşî de ame definkerdene.

Multecîyo kurd Îbrahîm Ergun 17 mengî Merkezê Tepiştişî yê Korinthî yê Yunanîstanî de tepişte bi, seba ke bira cezaya zîndanî şermezar bikero  27ê adare de xo kiştbi.

Badê otopsî cenazaya Ergunî Atîna ra ameye berdene memleketê ci qezaya Kopî ya Mûşî. Nêweşxanê Dewlete yê Mûşî de reyna otopsî ame kerdene. Cenazaya Ergunî bado ke keyeyê ci de helalîye ameye waştene goristanê bajarî de ameye definkerdene.