Ronahî TVyo ke paytextê Swêdî Stockholm de weşane keno xeylêk welatanê ereb û Ewropa de zî studyo û buroyê xi estê. Ronahî TVyî teşrîna verêne ya 2020î seba ke Başûrê Kurdîstanî de buro abikero muracat kerdbi. Îdareyê Hewlêrî pê bahaneyan muracatê Ronahî TVyî qebul nêkerd.

Ronahî TVyî babete ser o eşkerayîyêke daye û pare kerd ke Îdareyê Hewlêrî pê bahaneya Korona muracatê înan qebul nêkerd. Ronahî TVyî ard ziwan ke muracatê înan hetê Îdareyê Iraqî ra zî amebi tesdîqkerdene.

Ronahî TVyî tewirê Îdareyê Hewlêrî rexne kerd û da zanayene ke azadîya çapemenîye yena astengkerdene.

Ronahî TVyî venga selahîyetdaranê Îdareyê Hewlêrî da ke nê tewirê xo ra fek vera bido û vat: ''Ewropa û welatanê ereban de buroyê ma estê. Çira destûr nêdîyeno ma Başûrê Kurdîstanî de zî buroyêk abikerê?''