Îdir û Patnos de Newroze: Ma do tecrîdî zî faşîzmî zî birijnê

Îdir û Patnos de bi şîarê 'Wext wextê serkewtişî yo' Newroze ameye fîrazkerdene û ame vatene ke kurdî do tecrîdî zî faşîzmî zî birijnê.

Îdir û Patnos de bi şîarê 'Wext wextê serkewtişî yo' Newroze ameye fîrazkerdene û ame vatene ke kurdî do tecrîdî zî faşîzmî zî birijnê. Şayîya Îdirî de cinî û ciwanî bi xurtî tewr bîyî. Girseyî rixmê hewayê serdî zî bi dahol û zirnayî govende girewte. Şayîye de girseyî vera sloganê 'Bijî Serok Apo' vat.

Şayîye de Hemşaredara Îdirî Eyleme Çelîka ke herinda ci de qeyûm amebî tayînkerdene qisey kerd û sere de Aysele Tugluk, Leyla Guven, Fîgene Yuksekdag, Denîze Poyraz pêro cinîyî selam kerdî. Çelîke ard ziwan ke ê do tim sîstemê hemserekîye bipawê.

Wekîlê HDPyî yê Îdirî Habîp Eksîkî bale ante tecrîdê vera Rayberê Şarê Kurdî Abdullah Ocalanî ser û vat: ''Vera Birêz Ocalanî tecrîdêko giran esto. Wa tecrîd bêro wedaritene û ganî ma seba ney xîret bikerê. Ê do qetî pê têkoşînê kurdan nêeşkê.''

Wekîlê HDPyî yê Wanî Sezaî Temellîyî vat: ''Hişmendîya ke Helebçe de kurdî qetil kerdî ewro dewam kena. La kurdî rixmê hende qirkerdişan zî tewirê xo ra fek vera nêdanê. Reyna kurdan rê zulm û şîdetî yenê ferzkerdene. Ma do wayîrê heqanê xo vejîyê û têhet vinderê. Ma do nê faşîzmî birijnê û rejîmê qeyûman çin bikerê. Seba ke Tirkîya demokratîk biba ganî meseleya kurdan çareser biba. Çareserîya na mesele zî Îmraliyî de ya.''

Qiseykerdişê Temellîyî ra dima adirê Newroze ame tavistene û şarî dormeyê adirî de govende girewte. Koma Dengê Meymanî û Servet Kocakaya do vejîyê sehne ser.

Qezaya Patnosî ya Agirî de zî rixmê hewayê serdî warê Newroze debi. Wekîlê HDPyî yê Agirî Abdullah Koçî şayîye de qisey kerd û vat: ''Erdogan vano meseleya kurdan çin a. La deyîr, waez û kilamê kurdkî yenê qedexekerdene. ''

Qiseykerdişî ra dima adirê Newroze ame tavistene.