Tecrîdo giran ê vera Rayberê Şarê Kurdî Abdullah Ocalanî dewam keno. Hemserekê HDPyî yê Xarpêtî Îmam Dedeyî îfade kerd ke tecrîd dewamê projeyê gladyoyê mîyanneteweyî yo.

Îmam Dedeyî vat: ''Înan waştêne verê paradîgmaya Abdullah Ocalanî bigêrê ke Rojhelatê Mîyanênî ra vila bîyo. Tecrîd sey rayîrê peyênî dîya. Pê ney teda û îzolasyono giran ame kerdene. No proje Pentagon de ame amadekerdene, pê beşdarîya Amerîka, Îngilîstan, Fransa, Yunanîstan û Tirkîya ame caardene.''

Îmam Dedeyî eşkera kerd ke hêzanê welatperweran, demokratîk û sosyalîstan no proje zaf erey fam kerd û vat: ''Coka proseso nikayên bi sebeb ke polîtîkayê qefilîyayîşê partî û dezgehan yenê caardene. Dima ke Ocalan ame esîrkerdene ê hîna rehet têgêrayî. Îann xîret kerd ke têkilîya Ocalanî ya bi şarî biqerifnê. Labelê paradîgmaya Ocalanî aver şîye. Hegemonyaya kapîtalîste prosesê Îmraliyî de eşkera bîye.''