Wan de 3 erdlerzanê pîlan û peyênan de bi temamî 700 kesî merdî la vera erdlerzê muxtemelî qet yew tedbîr nêame girewtene.

Serekê Odaya Muhendisenê Înşaatî ya Wanî (ÎMO) Firat Durmazî derheqê babete de ANFyî rê qisey kerd.

Durmazî ard ziwan ke erdlerzê 2011î ra dersêk nêgêrîya û Wan de hema zî tay keyeyan de tesbîtê erdlerzî nêame kerdene.

Durmazî vat: ''Ganî erdlerzanê muxtemelan ser o planî bêrê kerdene. Na babete de ma wayîrê doneyanê qîman nîyê. Awanîyê ke wextê înan ê xizmetî temam bîyo, erdlerzê muxtemelî de do bibê sebebê felaketan. Ganî erdlerz têna hetê ekonomî ra nêro ercnayene. Bi rayîrê TOKî merdiöî neçare manenê ke koç bikerê. Hukmato merkezî zî bazirganîye keno û goreyê ma TOKÎyan de vera erdlerzî tedbîrî nênê girewtene.''