Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Artêşa tirke ya îşxalkere seba ke pê xoverdayîşê tarîxî yê gerîlayanê azadîye yê Kurdîstanî nêeşkaye û planê xo yê îşxalî nêardo ca mewzîyanê xoverdayîşî yê hêzanê ma pê çekanê kîmyewîyan û bombayanê qedexekerdeyan dana bombayan ver.Rixmê hêrişanê kîmyewîyan û şertanê îklîmî yê çetinan zî gerîlayê azadîye yê Kurdîstanî xoverdayîşê xo rê bêmabên dewam kenê.

Çarçewa Hemleya Şorişgêre ya Bazanê Zagrosî de herêma Zapî de;

10ê çeleyî de nêzdîyê dewa Sîda ya bajarekê Şêladizê yê Amedîyê de îşxalkerî pê çekanê giranan ameyî derbkerdene.

Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê;

11ê çeleyî de herêma Çemçoyî ya Şêladizê de mewzîyê xoverdayîşî 12 reyî pê çekanê kîmyewîyan û bombayanê qedexekerdeyan dîyayî bombayan ver.

Hêrişê bînî yê artêşa îşxalkere;

11ê çeleyî de herêma Çemçoyî û dewa Sîda de mewzîyê xoverdayîşî, Warê Xoverdayîşî yê Kurojahroyî, mewzîyê xoverdayîşî yê Saca, Girê Xoverdayîşî yê FMyî dîyayî bombayan ver.''

https://anfkirmancki.com/kurdistan/Isxalkeri-pe-cekane-giranan-ameyi-pirodayene-31793