Goreyê xeberanê çimeyanê cayîyan wesayîtanê hewayî yê bêmerdim û biçekan ê dewleta tirka îşxalkere dewa Bikdawida ya qezaya Kanî Masî ya Başûrê Kurdîstanî bombarduman kerde. Netîceya hêrişî de dewijê Bêdihê yo bi nameyê Suleyman Şexo birandar bi û dewijan ziraro madî dî.

Diya zanayene ke badê hêrişî hêzanê PDKyî destur nêda ke şar şiro herême. Têna keyeyê Suleyman Şexo eşka bikewo herême. Pîya bi têgêrayîşê hewayî herême de sewqîyatê leşkerî yê dewleta tirke zî yeno kerdene.