Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê dewleta tirke de eşkerayîye daye û nê pare kerdî:

''21ê çeleyî de dormeyê mewzîyanê têkoşînî yê gerîlayan ê nêzdîyê dewa Sîda ya Amedîyê de sîstemê kameraya mobese yo ke hetê îşxalkeran ra ameyo cakerdene, hetê hêzanê ma ra ame îmhakerdene. Eynî warî de saetanê veraşanî de îşxalkerî pê çekanê giranan ameyî derbkerdene. Reyna herêma Çemçoyî de zî îşxalkerî pê çekanê giranan ameyî pirodayene. Warê Xoverdayîşî yê Girê FMyî de zî îşxalkerî hetê hêzanê ma ra pê çekanê giranan ameyî derbkerdene.

Artêşa tirke ya îşxalkere mewzîyê têkoşînî yê gerîlayan ê  dewa Sîda û herêma Çemçoyî 17 reyî pê çekanê kîmyewîyan dayî bombayan ver. Rayêke zî bombayê qedexeyî ameyî şuxulnayene. Reyna warê Deşta Kafya yê Garê û dormeyê awa Lolanî ya Xakurkê 4 reyî pê teyarayanê şerî ameyî bombardumankerdene.  Warê Xoverdayîşî yê Girê Amedîyê, Girê Cûdî, Girê FM û mewzîyê têkoşînî yê  gerîlayan ê Çemço û Sîda pê obus, tanq û çekanê giranan dîyayî bombayan ver.''