Koyanê Rojhelatê Kurdîstanî seba ke azadîya Rayberê Şarê Kurdî û welatê xo bîyarê ca 4 parçeyanê Kurdîstanî ra şerwanî ardî yewca.

Çar ciwanî seba ke vera polîtîkaya şerê taybetî ya dewletanê îşxalkeran şer bikerê tewrê gerîlayan bîyî. Ciwanan ANFyî rê qala serebûtanê xo kerde.

Gerîla Hêmino ke şaristanê Ûrmîye yê Rojhelatê Kurdîstanî ra yo vat: ''Seba ke Serekê ma azad bibo ez tewrê gerîlayan bîya. Tîya de pêro parçeyanê Kurdîstanî ra embazî ameyî têhet û ma pîya têkoşîn kenê. Ez şarê Rojhelatî ra wazena ke wa polîtîkayanê Îranî yê seba reşkerdişê têgêrayîşê Apo û PJAKî ra bawer nêkero. Şarê Rojhelatî xoverdayox o. Ez pê bawer a ke do bi nê tewrê xo cewabê tewr pîlî bido Îranî.''

Ronî Qaraçoxo ke Başûrê Kurdîstanî ra yo vat: ''Ez sey ciwanêkê başûrijî tewrê têgêrayîşê Apoyî bîya û ez Rojhelatê Kurdîstanî de têkoşîn kena. Nika vera Başûrê Kurdîstanî hêrişê giranî estê. Senî ke ma çar parçeyanê Kurdîstanî ra ameyî yewca û pîya têkoşîn kenê ganî ma waranê bînan de zî wina bikerê. Şarê Başûrî ganî zêdêr xo ver bidê. Wezîfeyo verên ê welatperwerîye pawitişê erd û şarê xo yo.''

Gerîla Axîna ke şaristanê Erziromî yê Vakurê Kurdîstanî ra ya vat: ''Sey cinîyêke têkoşînê koyanê Rojhelatî mi rê zaf girîng o. Dişmenî Kurdîstan kerd çar parçe. La ewro ciwanê kurdî yenê yewca û pîya têkoşîn kenê.Dima ke mi têgêrayîşê Rayberîye şinasna mi fam kerd ke ganî her kes kamca de beno wa bibo têkoşîn bikero.''

Demhato ke şaristanê Tirbesipî yê Rojawanî ra yo vat: ''Ewro çar parçeyanê Kurdîstanî ra ciwanî tewrê têgêrayîşê Serekî benê. Girîngîya Rojhelatê Kurdîstanî seba mi zaf zêdîyaye. Seba ke ez rêçê embazanê xo yê şehîdan ser o şıra ez Rojhelatê Kurdîstanî de têkoşîn kena. Ez wazena ciwanê Rojhelatî zêdêr şîya bibê û hêrişan qebul nêkerê, xo rêxistin bikerê. Cayê înan têgêrayîşê Rayberîye yo.''