Çar parçeyanê Kurdîstanî ra giseyê şarî verê xo danê Binê Qendîlî û herikîyenê warê Newroze.

Bi des hezaran kesî, bi taybetî şarê Silêmanî, Ranaya, Helebçe, Şengal, Germiyan, Kelarî seba şayîya Newroze ya Şaredarîya Binarê Qendîlî verê xo danê warê Newroze. Warê Newroze de deyîr û şîîrê şorişgêrî yenê vatene.

Girseyî fotografanê şehîdan, alayanê PKK, KCK, KJK û posteranê Rayberê Şarê Kurdî Abdullah Ocalanî kirişenê. Warê Newroze de mesajê KCK, KJK, Têgêrayîşê Azadîye ameyî dayene. Hunermend û kesê namdarî û temsîlkarê partî û dezgehan tewrê şayîyan bîyî. Şayîye bi fermî do dest pêbikera.

Şayîya Newroze bîn şewe ra dest pê kerde şar dormeyê adrî de ame têhet  û bi deyîran û govende roşanê xo pîroz kerd.