Çewlîg de rixmê hewayê serdî zî bi hezaran kesî tewrê şayîya Newroze bîyî. Hemwelatîyî serê sibayî rew herikîyayî kuçeyê Nêweşxaneyî û sloganê 'Biciwîyo Serek Apo' vat. Cinîyî bi kincanê herêmîyan tewrê şayîye bîyî. Girseyo ke vera bîyo hîna qerebalix govende girewte.

Wekîlê HDPyî yê Riha Nîmetullah Erdogmuşî şayîye de qisey kerd. Erdogmuşî bale ante girîngîya Newroze ser û da zanayene ke kurdî cuya bêkulture do qetî qebul nêkerdê. Erdogmuşî vat: ''Wa ziwanê ma, bawerîya ma azad bibê. Ma bi azadî biciwîyê.'' 

Dima Maya Haştîye Hakîfe Serînyel û Rêxistina HDPyî sloganê 'Biciwîyo Serek Apo' reyde adirê Newroze vist ta.  Bi hezaran kesan deyîranê Nurcane Degîrmencî û Hîvda Gokel reyde kêf kerd. 

Seba ke warê Newroze şarî rê teng ame ciwanî vejîyayî dêsan ser.