Peymana Bexdad-Hewlêrî ya serê Şingalî ra dima roniştoxê herême seba pawitişê dezgehanê xo nobetan gênê.

Roniştoxê Sinûnî zî çalakîya nobete dewam kenê. Hemserekê Meclîsê Sinûnî Xwedêda Îlyas Kiçî, Endamê Meclîsê Şarî yê Sinûnî Xelef Osman û Endamê Şaredarîya Sinûnî Xeyrî Berkat Îsmaîlî derheqê babete de ANFyî rê qisey kerd.

Xwedêda İlyas Kiçîyî vat: ''3ê tebaxa 2014î de pêşmergeyan ma destê cergan de verdayî. Nika zî ê heman çi wazenê. Ma nê planê qirkerdişî qebul nêkenê û tîya de wayîrê hêvîyanê xo vejîyê. Ganî şarê ma hîşyar bibo û nêverdo ke îradeyê ma bêro çinkerdene. Ma nêwazenê xayînî bêrê Şingalî.''

Endamê Meclîsê Şarî yê Sinûnî Xelef Osmanî vat: ''Êzidîyan ra ber ma bira kesêkî/e qebul nêkenê. Coka ma hê nobete gênê û ma amade yê ke xo bipawê.''

Endamê Şaredarîya Sinûnî Xeyrî Berkat Îsmaîlî vat: ''Nê dezgeh û rêxistinî ê ma yê. Destkewteyê ma yê 6 serreyî binê tehlukeyî de yê.  Asayîş û YBŞ hêzê ma yê û ma hewceyê Iraq yan zî Barzanî nîyê. Bi bedelêkê pîlî îradeyêk ame awankerdene. Ma destûr nêdê ke no îrade bêro çinkerdene.''