Vayîya cuye, bêkarîye, paketê zemî û pandemî, nika zimistanî xo na ser. Şarê Amedî  nêeşkno çîyêk bihêrîno.  Xora derdê esnaf û karkeranê bazarî zî girano.

Ahmet Hasan Îlano  ke bazarê Ofîsî yê Yenîşehîrî de gureyeno bale ante ser ke fîyatê zerzewat û fêkîyî dilab zêdîyayo û vat  coka o nêeşkno rotiş bikero.

Karkeranê bazarî ra Kadrî Erolî zî ard ziwan ke krîzê ekonîmî hinî nêeşkeno xo binimo û vat her roje zengîn hîna  zengîn beno û feqîr hîna feqîr beno.

Cinîya bi nameyê Suphîye Akgul zî ard ziwan ke ê yenê bazar la bê giretişê hewceyanê xo yê bingeyînan agêrenê keye û vat ganî hukmatê krîzê ekonîmî çareser bikero.

Husnu Okmen zî bale ante ser ke semedê zêdbîyayîşê fîyatan rotiş vinderto û hukmato ke krîzê ekonomî ra mesuldar tepişt, ra waşt ke wa wezîfeyê xo bîyaro ca.

Îzzettîn Çelîk zî ard ziwan ke xerckerdişê şerî yê dewlete beno sebebê krîzê ekonomî û warê bazarî nîşan da û vat halê şarî meydan de yo. Şarê nêeşkeno hewceyanê xo yê bingeyînan peyda bikero. Hal yaman o.