Şarê dewanê Başûrê Kurdîstanî îfade keno ke ê nêwazenê artêşa tirke ya îşxalkere erdê înan ser o biba. Şar vano: ''Ma aramîya xo ya verêne wazenê. Ma şer nêwazenê, heta ke tirkî nêameyî aramîya ma estbî. Hînî ma nêeşkenê şorê dewe, bajar û koyanê xo. Ma nêwazenê kurdî vera yewbînan şer bikerê.''

Başûrijî anê ziwan ke seba ke şerê koyan dişmenî ra destûr wasenê û vanê: ''Ma tersenê ke mabênê kurdan de şer bibo. Rojnamegerî zî tepişîyenê. Başûrê Kurdîstanî de azadîye nêmenda. Dihok de zî xeylêk kesî ameyî remnayene. Do se bibo înan rê?''

Başûrijî eşkera kenê ke xeylêk keyeyî paştî danê partîyan ê cîyayan û wina dewam kenê: ''La pêro partîyê ma kurd ê. Ma dî ke şerê Serêkanîyê de bedenê domanêkî vêşa. Ma bi saetan bermayî ma vat çira qederê kurdan wina yo. Ez senî eşkenê çeka xo bidê ciwananê koyan ro? Ma nanê înan werdî, awa înan şimite. Ma şer nêwazenê. Wa Tirkîya şora. Ma înan Kurdîstan de nêwazenê.''