Kampa Şehîd Rustem Cûdîyî (Mexmûr) de bi hezeran kesan hêrişê îşxalî yê dewleta tirke yê vera Zap, Avaşîn û Metîna şermezar kerdî.

Şaro ke verê Dezgehê Keyeyanê Şehîdan de ame têhet heta verê nûqtaya kontrolî yê dewleta Iraqî rayra şi. Tîya eşkerayîye ameye dayene. Eşkerayîya ke hetê Hemsereka Meclîsê Şarî yê Mexmûrî Fîlîze Budakî ra ameye dayene de nê ameyî vatene:

''Ma zanê ke îqtîdarê AKP-MHPyî çim verdayo heme Kurdîstanî. Seba ke plananê xo yê leyminan bîyarê ca hêrişê îşxalî yê vera Herêmanê Pawitişî yê Medya dayo destpêkerdene. AKPyo ke xo sey muslimanî name keno aşma Remezanî ya bimbareke de hêrişê  hêzo ke xo û şarê xo paweno, kerd. Reyna hukmatê Iraqî zî rojanê roşanê Çarşema Sorî de hêrişê Şingalî keno. PDK zî hemkarê nê hêrişan o. La ê se kenê wa bikerî do meeşkê verê têkoşînê şarî û gerîlayan bigêrê. Kurdê ke azadîye wazenê do ser bikewê.''