4 şaredarîyanê HDP’yî de qeyûm ame cakerdene - Ameye Newekerdene

Badê destbendkerdişê hemşaredaranê Peyas, Bismil, Karaz û Erdîşî her çar şaredarîyan de qeyûm ame cakerdene.

Wezîrîya Karanê Zereyî yê Tirkîya şaredarîyanê Partîya Şaran a Demokratîke (HDP) yê Peyas, Bismil û Karazî yê Amedî û Erdîşê Wanî rê qeyûm tayîn kerd.

Şaredarîya Peyasî serê sibayî hetê polîsan ra gerîya binê ablûqa û dîya zanayene ke tede qeyûm ameyo cakerdene. Polîsan endemê Meslîcê Şaredarîye bi derbkerdiş şaredarî ra vetî û banê şaredarîye bi barîyeran dekewtiş û vejîyayîşî rê girewt. Endamê meclîsî pîya bi parlamentera HDP’yî Dersim Dage verê berê şaredarîye de pawenê. Reyna şaredarîyê Bismil û Karazî zî gerîyayî binê ablûqa banê înan de cigêrayîş dewam keno.

Vizêr hemşaredarê Şaristanê Pîlî yê Amedî Selçuk Mizrakli yo ke herinda ci de qeyûm amebi cakerdene, hemşaredarê Peyasî Kezîban Yilmaze, hemşaredarê Bismilî Orhan Ayaz û hemşaredara Karazî Rojda Nazliere ameybî destbendkerdene.

Wan de zî 15’ê Teşrîna Verêne de hemşaredarê Erdîşî Yildiz Çetîne û Bayram Çîçek ameyî destbendkerdene. Hemşaredarê ke hema îfadeyê înan zî nêameyo girewtene herinda înan de qeyûm Qeymeqam Nûrî Mehmetbeyoglû amey tayînkerdene.