4ê çeleyê 2016î de qezaya Silopî ya Şirnexî de Endama DBPyî Sêvê Demîr, Aktîvîsta HDPyî û KJA Fatma Uyar û Hemsereka Meclîsê Şarî ya Silopî Pakîze Nayir hêrişê barbarî de şehîd bibî. Kampa Multecîyan a Şehîd Rûstem Cûdîyî de 3 sîyasetmedarê cinîyî bi merasîmêkî, ameyî yadkerdene.

Merasîmî bi deqayêkê rêzgirewtişî dest pêkerd. Dima Endama Meclîsê Îştar Ezîma Avyanî qisey kerd.

Ezîma hîrê cinîyê şorişgêrî yad kerdî û vat: ''Her serre cinîyê serkêşî yenê qetilkerdene. Embazê ma Sêvê, Pakîze û Fatma û şehîdê Parisî Sara, Leyla û Fîdane û nika zî embaze Evîne Goyî menga çeleyî de ameyî qirkerdene û nê qirkerdişî seba şiknayîşê îradeyê cinîyan ameyî kerdene. Ê wazenê şarê kurdî bêveng bikerê la ma do qetî dewaya xo ra fek vera nêdê, armancê şehîdanê xo bîyarê ca.''

Dima derheqê hîrê cinîyan de sînevîzyonêk ame mojnayene. Merasîm bi slogananê 'Jin, Jiyan, Azadî' û 'Berxwedan jiyan e' qedîya.