Endamê Komîteya Ciwanan a PKKyî Ozgur Şekerî Programê Taybetî yê Stêrk TVyî de derheqê rewşa ciwananê Kurdîstanî de qisey kerd..

Şekerî ard ziwan ke ciwanî raştê polîtîkayanê şerê taybetî yê dişmenî yenê û vat bitaybetî serranê peyênan de no pê înternet û teknolojîyî yeno kerdene. Şekerî bale ante ser ke ciwanî bi medyaya sanale komelî ra yenê raqilyayene  û sey robotan ciwîyenî û vat coka ciwanî cuye ra tamêk nêgenê. Şekerî vist vîrî ke dewleta tirke hedef kena ke bi spor û festîvalan ciwananê Kurdîstanî kulturê ci ra fîneno dûrî û vat qirkerdişo kulturî qirkerdişê fîzîkîyî ra xirabêr o.

Ozgur Şekerî wina veng kerd ciwanan: ''Kampanyaya semedê Rayber Apoyî resaye mehaleyêke la ganî ma ewro qiyamet biqerfnayêne. Heta ke Rayber Apo nê şertan de bo cuyeya normale ma rê heram a. Ganî ciwanî wina nêzdî bê, teberê nê de nêzdîbîyayîşo bîn xete ra vejîyayîş o, şorişgêrîye ra dûrbîyayîş o. Ganî ma sey Rayber Apoyî têkoşîn bikerê, xover bidê. Wina eşkenê verê hêrişê dişmenî yê vera Rayber Apoyî bîgêrê. 

Ganî ma her roje bi rûhê seferberîye têkoşîn bikerê. Rayber Apo vera dişmenî têkoşînê xurtî dano. Hela winayêne de ganî Kurdîstan de kerra serê kerra de memano. Ganî ma hinî na rewşa Rayber Apoyî qebul mekerê. Sey ciwananê Kurdîstanî wina yew hêzê ma est o, dişmen zî nê zano. Ganî bi milîyonan kesî vera nê sîstemî ,vera hêrişê serê Rayber Apoyî wirzê payan ser. Ciwanî wina eşkenê rol û mîsyonê xo bîyarê ca.

Ganî ma wayîrê têkoşînî bivejîyê, wayîrê şorişî bivejîyê. Wina ma eşkenê vera dişmenî vinderê. Beno ke ma bitepişîyê, raştê îşkenceyî bêrê la no dewrê fedayîtîye yo. Wa ciwanê Kurdîstanî bizanê ke têna bi rûhê fedayîtîye ma eşkenê ser bikewê. Senî ke gerîlayî her ca de danê dişmenî ro, ganî ciwanê Vakurî û ciwanê çar leteyanê Kurdîstanî dişmenî rê her cayî bikerî teng. Ganî ciwanî çalakîye zî bikerî, perwerde zî bîgêrê, xo rêxistin zî bikerî û wina şirê dişmenî ser. Na çarçewa de ciwanê Kurdîstanî ganî verê xo bidê waranê têkoşînê pîlî.''