Bi serkêşîya Meclîsê Şengalî Mehlaya Qedsîye ya Şengalî de fedaîyê Êzidîyî yê fermanê 3’ê Tebax a 2014’î ameyî bivîrardene. Xeylî û kes û rîsipîyê cimatî tewrê merasîmî bîyî.

 'Cayê bi Hezaran Kesan Nêno Zanayene‘

Endamê Meclîsê Şengalî Hadî Îlyasî fermanê serê Êzidîyan şermezar kerd û ard ziwan ke bi hezaran cinî û ciwanê Êzidîyî ameyî qetilkerdene û hewna zî cayê bi hezaran kesan nêno zanayene. Îlyasî hemverê bêvengîya qirkerdişî de razînêbîyayîş ramot û vat „gamêk ra verî ganî şaro Êzidî bireso heqanê xo.“ Hadî Îlyasî bêvengîya hukmatê Iraqî ya hemverê qirkerdişî zî şermezar kerde.